Hverfatónleikar fyrir leik- og grunnskóla – bókunum lokið

Hverfatónleikar í Breiðholti og Grafarvogi 

Sagan um Maxímús Músíkús er eitt ástsælasta tónlistarævintýri þjóðarinnar og hefur raunar farið um allan heim við mikla hrifningu. Músin ástsæla villist inn á æfingu hjá Sinfóníuhljómsveit Íslands, þar sem hún kynnist tónlistinni af eigin raun og leiðir hlustendur með sér inn í heillandi hljóðheim hljómsveitarinnar. Tónlistin sem hljómar á tónleikunum er úr ýmsum áttum og má þar nefna Bolero eftir Maurice Ravel og Á Sprengisandi eftir Sigvalda Kaldalóns að ógleymdu laginu hans Maxa. Ævintýrið um Maxa hefur hlotið margvíslegar viðurkenningar og verðlaun og verið þýtt á fjölda tungumála. Höfundur tónlistarævintýranna um Maxímús Músíkús er Hallfríður Ólafsdóttir en hún var leiðandi flautuleikari Sinfóníuhljómsveitar Íslands í rúma tvo áratugi og Þórarinn Már Baldursson víóluleikari myndskreytir sögurnar. 

Efnisskrá
Hallfríður Ólafsdóttir: Maxímús Músíkús heimsækir hjómsveitina
Atli Heimir Sveinsson: Kvæðið um fuglana

Flytjendur:
Sinfóníuhljómsveit Íslands
Ross Jamie Collins hljómsveitarstjóri
Valur Freyr Einarsson sögumaður

Dagskrá hverfatónleika

Mánudagur 26.02.24
11:20-12:05 – Tónleikar í Seljaskóla

Þriðjudagur 27.02.24
09:30-10:10 – Tónleikar í Breiðholtsskóla
11:00-11:40 – Tónleikar í Breiðholtsskóla

Miðvikudagur 28.02.24
09:30-10:10 – Tónleikar í Rimaskóla
11:00-11:40 – Tónleikar í Rimaskóla

Fimmtudagur 29.02.24
11:00 – Tónleikar í íþróttasal Klettaskóla